На 30.10.2025 година, тимот на Научниот караван го посети ООУ „Кирил Пејчиновиќ“ – Кисела Вода, носејќи со себе нова доза на еко-инспирација и знаење за љубопитните млади умови. 
Дали некогаш сте се запрашале што би се случило ако отпадот го претвориме во нешто корисно?Токму тоа го направија нашите ученици! Од дома донесоа био-отпад 
(лушпи од јаболка, искористено масло и слично), а преку интерактивни и забавни демонстрации го претворија во вреден ресурс. 
(лушпи од јаболка, искористено масло и слично), а преку интерактивни и забавни демонстрации го претворија во вреден ресурс.
Оваа активност им покажа дека секој мал чекор може да направи голема разлика – дека грижата за животната средина започнува од дома, од една мисла, едно дејство и една добра идеја. 
Учениците од VII, VIII и IX одделение се запознаа со иновативни начини за повторна употреба на органскиот отпад, како производство на биодизел од отпадно масло 
и креативна изработка на биофилм од лушпа од компири. 
и креативна изработка на биофилм од лушпа од компири. 
Научниот караван е дел од проектот „Граѓански активизам за остварување на циркуларна економија во управувањето со органски отпад,“ кој го спроведува Resource Environmental Center – REC North Macedonia, во партнерство со Еко Логик и Center for Environmental Democracy – Florozon, со поддршка од Владата на Швајцарија 
преку програмата Civica Mobilitas.
Голема благодарност до наставниците и учениците за нивниот ентузијазам, љубопитност и желба за промена! Заедно учиме, истражуваме и градиме подобра иднина!
