На 3.12.2024 година, ја имавме честа да присуствуваме на настанот за свечено потпишување на договори во рамки на проектот Управување со пожари на ниво на предел во земјите од Западен Балкан (LFMWB). РЕЦ, како добитник на грант преку нивниот Компетитивен фонд за заедници, ќе го реализира проектот ,,Земјоделство безбедно од пожари во Општина Новаци”. Преку активностите на проектот, во соработка со Општината ќе помогнеме во зголемување на свеста за опасноста од пожари на отворен простор во овој земјоделски крај, со помош на локалната заедница ќе спроведеме заштитни мерки од пожари на терен и ќе направиме проценка на ризикот од пожари.
На овој одличен настан, нашите претставници имаа можност да ги презентираат целите и планираните активности на проектот финансиран од овој грант. Исто така, покрај новите сознанија за самата програма, имавме можност за вмрежување со другите добитници на грантови, што ни дава можност за подобро справување со проблемот со пожарите на отворено и здружено, да делуваме и на регионално ниво.
LFMWB е проект на Швајцарската Агенција за Развој и Соработка (SDC), координиран од Фармахем.
Add Comment