Центарот за ресурси во животна средина (РЕЦ) – Северна Македонија на 20 ноември 2024 година ја заврши обуката во рамки на работилниците „Острови на интегритет“, којашто се реализираше во периодот септември-ноември, 2024 год.
За време на последната работилница работевме на своите стратешки и акциски планови за интегритет на
организацијата. Работниот дел вклучуваше и дискусија за подобрување на нашите внатрешни процедури.
Работата за време на обуката се состоеше од развивање на Акциски планови насочени кон различни стратегии, коишто меѓу другото имаат за цел:
1) да се ограничи монополот и дискрецијата при носењето одлуки,
2) да се подобри транспарентноста и отчетноста и
3) да се зголемат придобивките од работењето со интегритет и да се намалат загубите поради корумпираност.
Целите и стратегиите беа разработени, во разговор и со помош на менторите. Тоа што како задача ни претстои е сето совладано, да го продискутираме со другите наши
вработени и да дефинираме Стратегии на коишто ќе работиме до спроведување во текот на 2025 година.
Спoдeлуваме со вас дел од работната атмосфера во овие 2 месеци.
Двете концептуални рамки кои се користеа во фазата на дијагноза се базираа на формулата за корупција според која, корупцијата е еднаква на монопол плус дискреција минус транспарентност и отчетност и на анализа на трошоците и придобивките. Во првата рамка двете цели на кои работеа учесниците беа: да се ограничат монополот и дискрецијата и да се подобрат отчетноста и транспарентноста. Во втората рамка целта беше да се зголемат придобивките од работењето со интегритет и загубите поради корупција.
Во таа смисла, учесниците работеа во групи и дискутираа пленарно за тоа кои би можеле да бидат стратегиите кои ќе ги ограничат монополот и дискрецијата, за видовите контроли што треба да ги има секоја организација, за тоа како да се избегнат корупцијата и дискрецијата на повисоките нивоа, како и за тоа кој треба да ги контролира оние кои контролираат.
Add Comment